Vieiros

Unha inédita moción conxunta, asinada á vez polos voceiros municipais de PP, Xaquín García Díez, e BNG, Xoán Antón Bao, foi posíbel esta semana no Concello de Lugo. Populares e nacionalistas recollían así de común acordo a solicitude que lles trasladara a Asociación para a Defensa Ecolóxica de Galiza, Adega, para a modificación do enlace da futura autovía Lugo-Santiago previsto na parroquia de Esperante.

Adega denunciara o importante impacto que a autovía causará nese lugar, afectándolle a unha carballeira centenaria e a diversas explotacións agrícolas que hai na zona, ademais de implicar unha barreira nas comunicacións diarias dos veciños das parroquias do lugar. A moción insta ao Ministerio de Fomento a que nos trámites de execución do proxecto da autovía A54, que unirá Lugo e Santiago, inclúa unha modificación do trazado no encontro da autovía coa estrada N540.