Vieiros

O domingo, nasgas da Ría de Pontevedra, desenvolveuse o XXXI Trofeo Príncipe de Asturias de piragüismo de fondo, onde os palistas estatais coparon o podio.

O K-4, formado por Jorge Alonso, Santiago Guerrero, Emilio Merchán e o pontevedrés Álvaro Fernández Fiuza cruzou a meta de primeiro, seguido doutra tripulación estatal, a formada por Javier Noval, Miguel Fernández, Emilio Llamedo e Albert Corominas. Os irmáns Carlos e Andrés Luelmo del Teso, Julio Moreno e Rafael Carril completaron o hat trick estatal. Só a tripulación checa loitou por lle roubar o título ao combinado estatal, mais despois pagou os seus esforzos, entrando de cuarta na meta.

Loita entre os clubes
No mesmo escenario e minutos despois comezou a loita entre clubes en K-4, que gañou o Piragüismo Vilaboa, que tamén foi terceiro, por detrás da selección de Castela e León. En C-2 gañou o Breogán do Grove, que entrou na meta de primeiro, seguido do As Torres de catoira e o Náutico O Muíño de Ribadumia.