Vieiros

Pradairo, Balakandra, O Sonoro Maxín e Kógito son as propostas musicais no Campo da Bola, en Naraío, no Concello de San Sadurniño, onde haberá este sábado actividades diversas durante todo o día.

En Moaña a xolda comezou xa o venres. Pero en Chan D'Arquiña segue o sábado o Festichán, con Gecko Turner, Sorkun & The Vice Presidents, Sherpah e Jit. De xeito paralelo, os organizadores, Os Patajullos e a Asociación Loita Verde, propoñen sendeirismo, malabares e artesanía.

E chimpando outra vez polo país adiante, o colectivo Chilindrín, asociación cultural de Celeiro, no Concello de Viveiro, convoca os romeiros a achegárense a gozar do rock de Arreocabo 2008. Aló estarán desde a noitiña Def Con Dos, Koma, Skacha, Skama la rede, Rain is Art e Anger Second.