Vieiros

Este sábado 23 de agosto ha comezar o primeiro Festival Interurbano de música Crunia. Esta iniciativa do Concello d’A Coruña pretende dar a coñecer a unha vintena de bandas locais que queren mostrar a súa valía ao vivo. Coñecidos grupos da escena local coruñesa como Revolujoin ou Pülsar han alternar con outras formacións consagradas de Galiza –como os composteláns Ruxe ruxe ou Meu- e máis con bandas de recoñecido prestixio no conxunto do Estado, como Porretas ou mesmo Los Coronas.

O festival durará unha semana completa, dende o sábado 23 até o sábado 30 para acoller máis de vintecinco actuacións
na explanada do estadio de Riazor.

A asistencia aos concertos, que comezarán cada noite ás 21h., é de balde, de xeito que “todos os coruñeses amantes da música podan apoiar o traballo das bandas da súa cidade”, segundo adiantan dende a organización.

Podes consultar a programación completa no myspace do festival.