Vieiros

Ao carón dos seus presidentes de Bolivia, Evo Morales, e Nicaragua, Daniel Ortega, ademais do vicepresidente cubano, Carlos Lage, e do mandatario anfitrión, Manuel Zelaya, o presidente Chávez proclamou que o ingreso de Honduras é verdadeiramente un acontecemento histórico que vai ter un grande impacto positivo para os pobos de América e o Caribe.

Aproveitou a ocasión para lembrar as bondades da iniciativa unificadora dos pobos que xurdiu no 2004 como alternativa á proposta neoliberal da Área de Libre Comercio das Américas (ALCA), promovida por Estados Unidos.

Insistiu en que os Estados que conforman a ALBA están comprometidos na loita pola independencia dos pobos, polo que convidou á mocidade hondureña a estar á vangarda dos procesos de troco que viven os pobos de América.

Nesta tarefa, proseguiu Chávez, deben incorporarse tamén os afrodescendientes de Honduras, as indíxenas e as mulleres hondureñas. Considerou que valores como a independencia, a dignidade e o desenvolvemento integral seguen sendo o camiño dos pobos que loitan pola liberdade, co que reiterou a súa desaprobación ás oligarquías "pitiyanquis" deste continente.

Fronte á posición das forzas neoliberais diante da ALBA, o xefe de Estado venezuelano sinalou que os Estados progresistas do continente seguirán cabalgando o camiño da independencia, porque "o que nos importa é o futuro dos nosos pobos".

Zelaya: ''Só perden os que lle tiñan medo á ALBA''

Pola súa banda, o presidente de Honduras, Manuel Zelaya, asegurou que o seu país se subscribe á ALBA para gañar en liberdade e autodeterminación, un pacto no cal só perden aqueles que "tíñan medo" á loita "por saír adiante".

"A nosa loita é por saír adiante, se lle tiñan medo a esta loita, estimados amigos, adversarios, críticos, se lle tiñan medo a esta loita xa a perderon. Hoxe subscribímonos á Alba, a cultura e a dignidade, para facer dos hondureños un pobo libre", salientou Zelaya.

No seu discurso, Zelaya aludiu ás fortes críticas en Honduras contra a decisión gobernamental de adherirse á Alba, en especial desde os medios de comunicación privados. "Demostraron que, malia as desinformaciones, malia o temor que se nos quixo infundir, que o pobo hondureño é valoroso, loitador, revolucionario", expresou o mandatario.

"Os hondureños temos dignidade. Grazas comandante Hugo Chávez, por abrir un espazo de dignidade para os latinoamericanos, grazas comandante presidente Daniel Ortega".