Vieiros

#1 31/Xullo/2007 DanielErreCe

[Valora este comentario Positivo 0 Negativo]

Contra as doenzas infecciosas (e por tanto, moi contaxiosas) non valen panos quentes.

Certo: desde a Consellería de Cultura actuose de boa fe e con criterio participativo. Pero non abonda. A cidadanía espera que se actúe con contundencia e eficacia contra o nepotismo e a malversación. Actuar máis e falar menos: en canto o BNG se poña en serio a actuar segundo o seu ideario, moitos respiraremos máis tranquilamente.

De nada serve gobernar a calquera prezo (si vale, pero para que gañen PP e PSOE). De momento, só panos quentes. En dous aniños escasos pasaremos a factura electoral. E non o dubides, Lobeira, os que pagades máis rápido e a xuros máis altos sodes os bloqueiros (aí está a historia para repasar).

#2 31/Xullo/2007 moledo

[Valora este comentario Positivo 0 Negativo]

A cidadania nom se luziu muito neste assunto, ninguém se engane ou queira enganar agora. Nom houvo muita coerência entre os que participaram nesse comité de agentes culturais que ia estabelecer o que se fazia coa Cidade da Cultura. As suas conclusons foram patéticas e em nada ajudaram nem para reformular o projecto e menos para o contestar, cousa que, já agora, logo sim faziam em petit comité alguns dos seus membros. Os mesmos que foram convidados pola Conselharia a aportar ideias para fazer ou desfazer logo apanhavam a Voz (casualidades, desde há apenas dous anos o chicote da Cidade) e diziam, olha, olha, isto é o que eu lá disse. Ou ainda, eu lá nada disse, mas tudo é umha merda, e pérolas assim... Neste pais há muito conto progre de petisco chachi, muito duplo interesse e muita gana de nom se molhar em nada que nom sejam as praias das Caraíbas.

#3 31/Xullo/2007 DanielErreCe

[Valora este comentario Positivo 0 Negativo]

É que a cidadanía non se ten que lucir. Tan só, que non é pouco, exercer os seus dereitos. E un deses é pedir contas dos impostos que paga. A non ser, Moledo, que por "cidadanía" te refiras ás elites intelectuais, o que sería un chisco reducionista. Claro que podemos acabar dicindo que temos o que merecemos (algo diso haberá), pero, desde logo para min, non ten moito sentido adubar ese argumento. Polo demais, comparto os teus comentarios, por iso coido que o urxente é apelar sentido común para tentar amortecer no que sexa posíbel esta sangría irresponsábel de recursos e, sobre todo, esixir que dunha vez por todas afondemos na CULTURA da persecución implacábel dos/as malversadores/as de caudais públicos.