Vieiros

Dende a Consellaría de Medio Ambiente, departamento responsábel do servizo, explican que os interesados poden acceder dende o enderezo electrónico www.meteogalicia.es a unha “versión reducida da web, de navegación doada, onde se recollen os aspectos máis relevantes da predición”.

Os usuarios poden ver nos seus aparellos a última imaxe de satélite, o prognóstico da xornada e un resume do que se agarda a medio prazo. Tamén se pode consultar a situación por localidades concretas. Dende Medio Ambiente sinalan que pretenden ampliar progresivamente as opcións do servizo até equiparalas coas da web.