Así esfarela a Antártida o quecemento global
Científicos británicos e estadounidenses fan públicas espectaculares imaxes que mostran como se desfán grandes placas de xeo.
Do suceso deron alerta dous centros especializados na investigación sobre a Antártida, o National Snow and Ice Center (NSIC), nos EUA, e a British Antarctic Survey (BAS). Nas imaxes pode verse como a coñecida como "placa de xeo de Wilkins" perde un bloque de arredor de 569 kilómetros cadrados, segundo as estimacións dos científicos.
Os investigadores atribúenlle ao cambio climático este tipo de movementos. Recordan que a placa xa só está protexida por un feble espazo xeado que une o que podería separarse en dúas illas. A placa de Wilkins esténdese agora mesmo nunha superficie de arredor de 14 mil Km2. O aumento medio de temperaturas na zona foi maior ca noutras partes do mundo e, con este episodio, son xa tres as veces en que a placa racha de xeito importante.
Comentarios (5)
Necesitamos as tranquilizadoras palabras do curmán de Raxoi urxentemente. Que animal o Rexistrador da Propiedade! Hai que vivir en non sei qué mundo para negar algo que aos meus corenta anos estou vivindo cada día comparando cómo eran os invernos cando eu era cativo e como son agora. Segue Raxoi a vivir nese mundo de charuto, copa e prensa deportiva. Temos uns políticos de moita talla.
Teño 43 tacos, e a mesma percepción que Chardella sobre os invernos de cando era neno e rapaz.
Redacción: Así esfarela *á* Antártida o quecemento global
Da talla dos políticos teño tanto callo que non percibo ren.
o tema é preocupante, mais tanta insistencia de certos medios e de certas opcións políticas en sacar á luz o quecemento faime pensar en que algo raro hai atrás...quizais defender a enerxía nuclear???
#2 outro lector, a corrección q fas non é correcta, se me permites o xogo de palabras. O q fai mal vieiros, entendo, é alterar a orde lóxica do galego SVO, para VOS, q queda ben en castelán, por exemplo, mais non en galego onde o CD non leva "a" diante, por moito q o recomenden algunhas gramáticas.
Isto é: "O quecemento esfarela a Antartida"
lavesedo, tes toda a razón; grazas polo teu comentario!
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto